آذربایجان! باشین ساغ اولسون!

                           آذربایجان! باشین ساغ اولسون!

                     اوستاد بهزاد بهزادی دونیاسینی دئییشدی.

آذربایجان اؤیرنجی حرکاتی ( تئهران ) : آلدیغیمیز خبره گوره ، آذربایجان میللی -فرهنگی فععاللاردان اولان اوستاد بهزاد بهزادی ، دؤنن گئجه ، ایسفندین 8-ی ، تئهران دا تانرییا قاووشدو .

تانینمیش حوقوقچو و یازار، اوستاد بهزاد بهزادی، 1306- دا گؤنئی آذربایجانین آستارا شهرینده دوغولور. 1324-ده  ریاضی اوخوماق اؤزره، تئهرانین یؤکسک دانیشسراسینا گیرمیش، اما میللی حوکومتین قورولدوغوندان سونرا تئهراندان اینصیراف وئره­رک، تبریزه دؤنور و1325-ده  تبریز بیلیم­یوردونون ایلک اؤویرنجی­لریندن اولور.

رحمتلیک بهزاد بهزادی، "آذری" آدلی درگی­نین سوروملوسو اولاراق، تئهراندا روتبه- بیر عدلیه وکیلی کیمی چالیشیردی.

اوستاد بهزاد بهزادی­نین نشر ائتدیی کیتابلاردان؛ " سیمای معنئیت ملت ما" (1326)، " درباره جنبش دموکراتیک ملی" (1331)، "آذربایجان دیلی­نین ایضاحلی لؤغتی" (1376) و ددهقورقود کیتابی­نین فارسجا چئویرمه­سینه ایشاره ائتمک اولار.

آذربایجان اؤیرنجی حرکاتی اولاراق، بو بویوک اینسانی الدن وئردیییمیزدن دولایی، آذربایجان میللتینه، میللی حرکت چالیشقانلارینا وا وستاد بئهزادی­نین حؤرمتلی عاییله­سینه باش ساغلیغی وئریریک.

روحو شاد اولسون