رایس اسرائیل و فلسطینی دانیشیقلارین یئنیدن باشلانیلماسینا چاغیری

رایس اسرائیل و فلسطینی دانیشیقلارین یئنیدن باشلانیلماسینا چاغیریر

آذربایجان اویرنجی حرکاتی : آمریکانین دولت کاتیبی خانیم کاندالیزا رایس، حماسی اسرائیل شهرلرینه راکت لر آتشینی دایاندیرماغا، اسرائیلی ایسه آپاردیغی حربی عملیاتلار زامانی سیویل لرین ایتگی سینین( غیر نظامی لرین تلفاتینی)

باشاردیقجا آزالتماغا چاغیریب.

 او اسرائیل و فلسطین طرفلرینی صلح مذاکره لرینی یئنیدن باشلاماغا سسله یه رک دئییب کی، اورتا شرقده کی وضعیتین" بارماق سیلکه لنمه سینه دئییل، دانیشیقلارا" احتیاجی وار. فلسطین پرزیدنتی محمود عباس اسرائیلین غزه زولاغینا هجومونا اعتراض اولاراق اسرائیل له دانیشیقلاری دایاندیریب. یادا سالاق کی، اسرائیلین سون حربی عملیاتلاری زامانی 100 غزه لی او جومله دن 50 سیویل وطنداش هلاک اولموشدور.

 قاهره ده سفرده اولان خانیم رایس مصرلی همکاری ایله بیرلیکده کئچیردیی مطبوعات کنفرانسیندا دئییب کی، اسرائیلین وطنداشلارینی راکت هجوملاریندان قوروماق حاققی وار و اسرائیل حکومتی راکت هجوملارینین داوامینا اجازه وئره بیلمز. آنجاق بونونلا یاناشی رایس بیلدیریب کی، گوناهسیز سیویل لرین ایتگی سینین قارشیسی آلینمالی دیر.

 رایس و اونون مصرلی همکاری احمد ابوالغیط اسرائیل له غزه آراسیندا آتش بسه چاغیریش لا دا چیخیش ائتمه ییبلر. مصرین خارجی ایشلر ناظری اسرائیلی غزه ده آپاردیغی گئنیش حربی عملیاتلارا گوره قیناییب.(voa)