8 مارس موناسیبتیله چؤهره قانلی قیزلاری قروپونون موراجیعتی

8 مارس موناسیبتیله چؤهره قانلی قیزلاری قروپونون موراجیعتی  

آذربایجان اویرنجی حرکاتی :مارسین سکگیزی، دونیالیق قادین گونودوردییه ، بیر داها بونونلا ایلگیلی موراجیعت یازماغی دوشوندوک، آنجاق آذربایجان قادین حاقلاری 8 مارس دان 8 مارسا ، بیر موراجیعت و بیلدیری یازماقلا الده ائدیله بیلمز ، دوشونجه سینده اولدوغوموزدان دولایی ،

بو دؤنه موراجیعت اولاراق بیر سیرا کلیشه ای و تکرار تکرار،موراجیعت لرده یازیلان سؤزلرین یئرینه ، آذربایجان قادین حاقلاری اوزره چالیشماقدا بیزی، گونئی آذربایجان میللتچی قادینلارین دان اولوشان بیر قوروپ اولاراق، ان چوخ ایلگیلندیرن و دوشوندورن

بیر سیرا سورونلاری و سورغولاری اورتایا قویماق ایسته دیک.

هامی یا آیدین دیر 8 مارس موناسیبتینه چئشیتلی پارتییالار، تشکیلات لار و قوروم قورولوشلار موراجیعت لر یازیب ، چوخ مودرن و مدنی شکیلده قادین حاقلارینی ساوونوب

، آذربایجان قادینینین معروض قالدیغی آیری سئچکیلیکدن (تبعیض) سؤز ائده جکلر.  عئینی

حالدا بو موراجیعت لری یازانلارین یوکسک فاییزینین ارکک اولدوغوندان امینیک؛

1-   گؤرن بونلارین نئچه فاییزی گرچکدن قادین حاقلارینا اینانیرلار، بو یولدا چالیشیرلار و گونئی آذربایجان قادینلاری دورومویلا ایلگیله نیرلر؟

2-   نئچه فاییزی قادین حاقلارینی تکجه 8 مارس دا یوخ ، هر زامان دوشونوب ، قادینلارین معروض قالدیغی آیری سئچگیلییی سئزیرلر؟ اصلینده قادین حاقلاری دییه نه لر دوشونورلر؟

3-     نه زامانا دک میللی حرکت اوزره چالیشان فعاللارین پلان لاریندا ، چالیشمالاریندا ، دوشونجه لرینده و حتی داورانیشلاریندا قادینلارا اولان اولومسوز باخیشلارا توش گله جه ییک؟

4-     نه زامانا دک قادینلارا و قادین حاقلارینا گئرچکدن اینانمایان ، اما بو حاقدا مقاله لر یازیب ، دانیشیقلار آپارانلارلا اوغراشاجاییق؟

5-     نه زامانا دک اؤز عاییله لرینده ائتگی بوراخمایان، اؤز آنا ، باجی و یولداشلارینا حاق وئرمه ین ، اما اوزده قادین حاقلارینی ساوونان فعاللاریمیزلا قارشیلاشاجاییق ؟

6-   نه زامانا دک  اوز عاییله لرینده و چئوره لرینده اولان قادینلارا، میللی حرکت اوزره چالیشماق ایمکانی وئرمه ین و اونلارین چالیشمالارینین قارشیسیندا دایانیب، "ندن میللی حرکت ده قیزلاریمیز آزدیر" دییه نلره یانیت آختاراجاییق؟

7-     نه زامانا دک توپلوم دا و کوتله ایچره اولان سنتی باخیشلاری، آیری سئچکیلیک لری و محدودیت لری آرادان قالدیرماغا هئچ بیر پلان آییرمایاجاییق؟

8-   ایللردیر میللی اویانیش و میلی حرکت کوتله ایچینده سورمکده دیر، آنجاق بو اویانیشین نئچه فاییزی قادین لارا و قادین حاقلارینا عایید دیر؟

9-     قادین و قادینچیلیق حرکاتینین  میللی حرکت ایچره اؤزونه لازیمی یئر تاپماسینی نه زامان گؤره بیله جه ییک؟

10-...

سیرالادیغیمیز سورولار گونئی آذربایجان دا و میللی حرکت ده یاشانان آجی گرچکلردیر و بیزسه بونلاری چؤزمه یی و آرادان قالدیرماغی ان اؤنملی گؤره ویمیز کیمی دیرلندیریریک و ارکک -قادین برابرلیی اوغروندا الیمیزدن گلینی اسیرگه مه یه جه ییمیزه آند ایچیریک ، نئجه کی میللی حاقلاریمیزی الده ائتمک ده اؤلدو وار، دؤندو یوخ دور دییه آند ایچمیشیک.

گونئی آذربایجان قادینی میللی و جنسی آیری سئچکیلیگه معروض قالماقدادیر و آذربایجان دا گئدن قادینچیلیق حرکاتینین ، بیر طرفدن توتالیتر، شوونیست و دینی حکومت له ، باشقا طرفدن ایسه توپلوم دا ایللر بویو اؤزونه یئر آچمیش ارتجاعی دوشونجه لرو سنت لر ، ارکک اوستونلوک اساسیندا قورولموش توپلومسال ایلیشگیلر و کوتله آراسی کولتوره چئوریلمیش آیری سئچکیلیک لرله اوغراشماسین گؤز اؤنونه آلیرساق، بوینوندا اولان یوکون نه قدر آغیر اولدوغونو آیدینجا گؤره بیلریک.

گلجک اؤزگور و باغیمسیز آذربایجان دا میللتیمیزین بوتون کسیم لرینین (قادین، کیشی، گنج، ایشچی،...) حاقلارینین الده ائدیلمه سی دیله ییله.

یاشاسین آذربایجان قادینچیلاری

چؤهره قانلی قیزلاری قروپو

*****************************

8 mars munasibetile chohreqanli qizlari qurupunun muracieti

Azerbaycan Oyrenci Herekati :Marsin 8-i , dunyaliq qadin gunudur diye, birdaha bununla ilgili muraciet yazmaghi dushunduk. Ancaq Azerbaycan qadin haqlari 8 marsdan 8 marsa bir muraciet ve bildiri yazmaqla elde edile bilmez , dushuncesinde oldughumuzdan dolayi, bu done muraciet olaraq bir sira klishei ve tekrar –tekrar muracietlerde yazilan sozlerin yerine Azerbaycan qadin haqlari uzre chalishmaqda bizi, Guney Azerbaycan milletchi qadinalrindan olushan bir qurup olaraq, en chox ilgilendiren ve dushunduren bir sira sorunlari ve sorghulari ortaya qoymaq istedik.

Hamiya aydindir 8 mars munasibetine cheshitli partiyalar, teshkilatlar ve qurum qurulushlar muracietler yazib, chox modern ve medeni shekilde qadin haqlarini savunub , Azerbaycan qadininin meruz qaldighi ayrisechkilikden soz edecekler. Eyni halda bu muracietleri yazanlarin yuksek fayizinin erkek oldughundan eminik;

1-     Goren bunlarin neche fayizi gerchekden qadin haqlarina inanirlar, bu yolda chalishirlar ve guney Azerbaycan qadinalri durumuyla ilgilenirler?

2-     Neche fayizi qadin haqlarini tekce 8 marsda yox, her zaman dushunub, qadinalrin meruz qaldighi ayrisechkiliyi sezirler? Eslinde qadin haqlari diye neler dushunurler?

3-     Nezamanadek milli hereket uzre chalishan feallarin pilanlarinda, chalishmalarinda, dushuncelerinde ve hetta davranishlarinda qadinalra olan olumsuz ( menfi) baxishlara tush geleceyik?

4-     Nezamanadek qadinlara ve qadin haqlarina gerchekden inanmayan , ama bu haqda meqaleler yazib, danishiqlar aparanlarla ughrashacayiq?

5-     Nezamanadek oz ayilelerinde etgi buraxmayan , oz ana , baci ve yoldashlarina haq vermeyen ama uzde qadin haqlarini savunan chalishqanlarimizla qarshilashacayiq?

6-     Nezamanadek oz ayilelerinde ve chevrelerinde olan qadinlara , milli hereket uzre chalishmaq imkani vermeyen ve onlarin chalishmalarinin qarshisinda dayanib; "neden milli hereketde qizlarimiz azdir" diyenlere yanit axtaracayiq?

7-     Nezamanadek toplumda ve kutle ichre olan sunneti baxishlari . ayrisechkilikleri ve mehdudiyetleri aradan qaldirmagha hech bir pilan ayirmayacayiq?

8-     Illerdir milli oyanish kutle ichre surmekdedir, ancaq bu oyanishin neche fayizi qadinlara ve qadin haqlarina ayiddir?

9-     Qadin ve qadinchiliq herekatinin milli hereket ichre ozone lazimi yer tapmasini nezaman gorebileceyik?

10-…

Siraladiqlarimiz Guney azerbaycanda ve milli hereket ichre yashanan aci gercheklerdir , bizse bunlari chozmeyi ve aradan qaldirmaghi en onemli gorevimiz kimi deyerlendiririk ve erkek qadin beraberliyi ughrunda elimizden geleni esirgemeyeceyimize and ichirik , nece ki milli haqlarimizi elde etmekde oldu var dondu yoxdur diye, and ichmishik.

Guney Azerbaycan qadini milli ve cinsi ayrisechkiliye meruz qalmaqdadir ve Azerbaycanda geden qadinchiliq herekatinin bir terefden totaliter, shovonist ve dini hukumetle, bashqa terefden ise toplumda iller boyu ozone yer achmish irticai dushunceler ve sunnetler , erkekustunluk esasinda qurulmush toplumsal ilishgiler ve qurallar ve kutle arasi kulture chevrilmish ayrisechkiliklerle ughrashmasin goz onune alirsaq boynunda olan yukun neqeder aghir oldughunu aydinca gorebilerik.

Gelecek ozgur ve baghimsiz Azerbaycanda milletimizin butun kesimlerinin( qadin, erkek, genc, ishchi, …) haqlarinin elde edilmesi dileyile

Yashasin Azerbaycan qadinchisi

Chohreqanli qizlari qurupu