قارانقوشلار، ظولم الیندن قورتولموشلار

قارانقوشلار، ظولم الیندن قورتولموشلار

آذربایجان اویرنجی حرکاتی (تهران): گونش، علم و صنعت بیلی یوردونون اؤیرنجی درگی سینین اؤزل سایی چاپ دان چیخدی

"دیلماج"میزی خاطیرلادان بو اؤزل سایی" قارانقوشلار" آدی ایله یاییلدی.40 و 50جی ایللرده اولان ضیالی حرکاتین آرتیق اینجه له ین بو درگی چوخ سامباللی اولاراق، 164 صحیفه ده چاپا وئریلمیش و یوخاری تیراژلا یاییلمیشدیر."دوام ائدیر اؤتوز یئددی" ایله باشلانان بو درگی ده بیر چوخ تانینمیش یازیچی و شاعیرلر 40 و 50جی ایللرده اولان حرکاتا گؤره یازیلار یازیب و او دؤورو آرتیق آچیقلامیشلار.گونشی یارادانلاردان سعید موغانلی، علیرضا صرافی، مهدی پناهی، م.ر. حکم آبادی، رحیم رئیس نیا، فراز یکیتا، راسیم قاراجا و ... اولموشلار.درگی نین سون بؤلومو ایسه مهندس علیرضا صرافی نین اؤیرنجیلیک دؤنه مینین خاطیره لرینه حصر اولموشدور.بو درگی نین سوروملو مدیری سینا جهانبخش، باش یازارلاری ایسه سعید موغانلی، علیرضا امین و مهدی پناهی جنابلاری دیر.درگی نین قرافیکا ایشلرین ایسه علی رضائی گؤروب، جیلدینی ایسه مهیار علیزاده(آیخان) دیزاین ائتمیشدیر