ایمان الظواهری اسرائیل و آمریکانین هدفلرینه هجوم ائتمه‌یه چاغیری

ایمان الظواهری اسرائیل و آمریکانین هدفلرینه هجوم ائتمه‌یه چاغیریب

آذربایجان اویرنجی حرکاتی : القائده گروهوندا ایکینجی شخص اولان ایمان الظواهری اسرائیلین بو یاخینلاردا غزه نوارینا هجوملارینا گؤره انتقام آلماق اوچون اسرائیل و آمریکانین هدفلرینه هجوم ائتمه‌یه چاغیریب. بو گون اینترنتده یئرلشدیریلمیش سس یازی‌سیندا الظواهری یهودیلر، آمریکالی‌لار و اونون دئدییی کیمی، مسلمانلارا قارشی عملیاتلارا قوشولان هر بیر کسه قارشی هجوما سسله‌ییب. سس یازیسی‌نین دوغرولوغو درحال بللی ائدیلمه‌ییب، اما تحلیل‌چیلر اونون الظواهری‌نین سسینه اوخشادیغینی بیلدیریبلر.

سس یازی‌سیندا الظواهری هجوملارین اسرائیل و فلسطین‌لیلرین تورپاقلارینا محدود اولونمادیغینی دئیه‌رک، طرفدارلارینی مالی یاردیم توپلاماغا، پلانلی بیچیمده هجوما کئچمه‌یه چاغیریب. الظواهری عرب رهبرلرینی آمریکا و فلسطین‌لیلری مرزلرینی باغلایاراق تحریمدا ساخلایان اسرائیلله ال‌بیر اولماقدا گوناهلاندیریب. (آمئریکانین سسی)