ایران ایسلام جمهوریتی هله ده عراقلی شورشی لره دستک وئریر"

ایران ایسلام جمهوریتی هله ده عراقلی شورشی لره دستک وئریر"

آذربایجان اویرنجی حرکاتی : آمریکالی فرمانده‌لر، ایرانین وئردییی سؤزلره باخمایاراق عراقداکی شیعه یاراقلی‌لارا، پول، سیلاح و آموزش جهتدن یاردیم ائتدیینی آچیقلادیلار.

آمریکا سسینه دانیشان سرهنگ استیو بویلان دئدی کی، یکشنبه گونو یاشیل بؤلگه‌یه دوزنله‌نن هاوا هجوملاریندا، ایران سیلاحلاری استفاده ائدن شیعه یاراقلی‌لار مسئولدور. عراقداکی آمریکا قووه‌لری‌نین فرماندهی ژنرال دئوید پترائوسون سؤزچوسو اولان استیو بویلان، یاراقلی‌لار شبکه‌سینی داغیتماق اوچون جبددی شکیلده چالیشدیقلارینی وورغولادی.

ژنرال پترائوس دا BBC رادیوسونا وئردییی مصاحبه‌ده، بونا اوخشار فیکیرلر دانیشدی. او، دونن بغداد سفیری رایان کراکرله بیرلیکده پرزیدنت بوشا ویدئو کلیپ واسیطه‌سی ایله گزارش وئردی.

دئوید پترائوس و رایان کراکر، 8 و 9 آوریل‌ده واشنگتنا گله‌رک عراقداکی سون وضیعتله باغلی کنگره‌یه بیلگی وئره‌جک.

عراق ساواشی آلتینجی ایلینه گیردییی حالدا حیاتینی ایتیرن عسکرلرین سایی 4 مینه چاتدی. عراق ساواشی‌نین آمریکایا 500 میلیارد دلارا باشا گلدییی بیلدیریلیر.  (آمئریکا نین سسی)