نقی خان بورچالی – نین دوْغوم گونو قوتلو اوْلسون !

نقی خان بورچالی – نین دوْغوم گونو قوتلو اوْلسون !

آذربایجان اؤیرنجی حرکاتی : نقی خان بورچالی (قولو خان) سولدوزون میللت و وطن خادیم لریندن، 1286اینجی ایلده بو گون دونیایه گؤز آچدی. سولدوز خبر، اوستاد اسماعیل بهرام  (یانان) شعرلریندن بو قوتلو گونده سیز اوچون تقدیم ائدیر:

واحد دیر ، بیردیر آللاه

هر ایشده پیردیر آللاه

هئچ ایشده کمکی یوخ

اؤزو قادیردیر آللاه

شاه دیر ، وزیردیر آللاه

هر آن حاضیردیر آللاه

هئچ ایشده ناییبی یوخ

اؤزو ناضیردیر آللاه

دوغولماز ، دوغماز آللاه

بوغولماز ، بوغماز آللاه

 دین چرچیوه یارادار

دین ایچره سیغماز آللاه

آللاهی سؤز تانری

آچیق بیر گؤز تانری

بیلمز ایری تانییار

بیلن کس دوز تانری

کؤنول خوشلا یاز اولا

خلقین کئفی ساز اولا

دین توتسان توت او دینی

دیلنچیسی آز اولا

نه حکومت گزیرم

نه ده ثروت گزیرم

منده یالان آز اولار

من حقیقت گزیرم

جان اؤنونده جانام من

خان اؤنونده پانام من

اینسالیق دیر ایسته ییم

پان اؤنونده پانام من

نه حئیوان ، نه کی قوش وار

اؤز دیلینده اوخویار

چون هر کس اؤز دیلینده

یاخشی آنلار ، آنلادار

داغ دؤشونده چیچک دیر

یار باشیندا لئچک دیر

هر کس اوچون دونیادا

آنا دیلی گؤیچک دیر

تورکو بال دیر ، شکر دیر

هم شکر ، هم هونر دیر

اسکی دئسن ، اسکی دیر

ترده دئسن کی تردیر

ائلچی اولسان ائل ایزلر

اوستون توتار عزیزلر

ائل ائلچی نی یئکلدر

گولمج اولسا دنیزلر

ییخانماز یامان منی

سئل منی ، توفان منی

ائل منی اونوتماسا

اونوتماز زامان منی

 (سولدوز خبر)