رحمتلیک ائلچی بی- ین 70. دوغوم گونونه باغلی آنما تؤره ن لری و ابوالفضل ائلچی بی هفته سی
آذربایجان اویرنجی حرکاتی: آذربایجان- ین بؤیوک قورولوش پارتیسی، آذربایجان- ین اسکی جمهورباشقانی رحمتلیک ابوالفضل ائلچی بی- ین 70. دوغوم ایلینین قوتلانماسی اوچون سیاسی پارتی لره یازیلی موراجعت ائتدی.
قونویلا ایلگیلی آچیقلاما وئرن فاضیل غئضنفراوغلو، " آذربایجان- ین باغیمسیزلیغی یولوندا ان بؤیوک قاتقییا ساغلایان رحمتلیک ابوالفضل ائلچی بی- ین 70. یاش گونونه ساییلی گون لرقالدی آنجاق، بونونلا ایلگیلی هئچ بیر یئرده آنما گیریشیمی گؤرولمه مکده دیر" دئدی.
ایخلاص خبر آژانسی نین وئردیگی خبرده، غئضنفراوغلو، قونو ایله ایلگیلی سیاسی پارتی لره ایستک گؤنده ردیکلرینی ده دیله گئتیره رک، " سیاسی پارتی لره مرحوم ائلچی بی- ین دوغوم گونو اولان 24 اییون تاریخینده آنما تؤره نلری نین گئرچکله شتیریلمه سی اوچون بیر کومیسیون اولوشتورولماسینی ایسته دیک. گؤنده ردیگیمیز یازیلی ایستک ده آیریجا، سیاسی پارتی باشقانلاری و پارتی اویه لری نین بیر کومیسیون اولوشتوراراق، بو کومیسیون دا یئر آلاجاق کومیسیون اویه لرینده ن ائلچی بی- ین دوغوم تاریخی اولان 24 اییون عئینی زامان دا " ابوافضل ائلچی بی- ین هفته سی" اولاراق اعلان ائدیلمه سینی ایسته دیک.
ابوالفضل ائلچی بی 24 اییون 1938 ایلینده نخجوان اؤزه رک( خود موختار) جمهوریتینه باغلی کئلکی کندینده دوغدو و 1992 ایلینده آذربایجان خالق جبهه سی پارتیسی نی قوردو
سلام
یورلمویاسیز
اللریز آغریماسین
یا شاسین آذربایجان