چین حکومتی تبت قیامی ایله باغلی 17 آدامی اوزون مدتلی حبس لره محک

چین حکومتی تبت قیامی ایله باغلی 17 آدامی اوزون مدتلی حبس لره محکوم ائتدی

آذربایجان اویرنجی حرکاتی : چین دولت مئدیاسینین وئردییی معلوماتا گوره چین محکمه لریندن بیری تبت-ده باش وئرمیش قیاملا باغلی 17نفرین حاققیندا حبس قرارلاری چیخاردیب. محکوملار 3 ایلدن عومورلوک آزادلیقدان محروم ائدیلمه جزالارینا محکوم ائدیلیب. شین هوا خبر آژانسی رسمی لر استنادا بیلدیریب کی، قرار تبت پایتختی لهاسا محکمه سی طرفیندن چیخاریلیب. هندوستاندا فعالیت ائدن تبت سورگون حکومتی بیلدیریر کی، کئچن آی باش وئرمیش اعتراضلارین اودلو سیلاحلا یاتیردیلماسی زامانی 150 آدام هلاک اولوب. چین رسمی لری ایسه تبت لی قیامچیلاری 20 انسانین ئولومونده گوناهلاندیریر. یادا سالاق کی، چین 60 ایلدیر تبتی اداره ائدیر. چین کمونیست حزبی تبت لیلری فئودالیست کوله لیک(برده چیلیک) سیستمی نین " قارانلیق دوروندن" قورتاردیغینی ادعا ائدیر. آنجاق مخالف لر چین حکومتینی تبت لیلره قارشی آیری سئچکی لیکده وتبت کولتورونون محوینه چالیشماقدا اتهام ائدیرلر.(آمریکا سسی)