پنتاگون ایرانین طالبانا دستک وئردیینی آچیقلاییب

پنتاگون ایرانین طالبانا دستک وئردیینی آچیقلاییب

آذربایجان اویرنجی حرکاتی : آمریکانین مدافعه ناظرلییی- پنتاگونون یوکسک روتبه لی رسمی لرینین  بیلدیردیینه گوره، ایرانین افغانستانداکی طالبان یاراقلیلارینا دستک وئرمه سی، اونلارا سیلاح- سورسات چاتدیرماسی ایله باغلی یئنی فاکت لار و ثبوت لار واردیر. ژنرال کارتر حم- دئییر کی، الده ائدیلمیش یئنی فاکت لار ایرانین طالبانا دستک وئردیینه اشاره ائدیر. پنتاگون عملیات اوزره باش کماندری(فرمانده) طالبانا چاتدیریلان سیلاحلار و سورساتین نه دن عبارت اولدوغو حاقدا بیر سوز دئمه ییب. او دسته یین بیرباشا حکومت طرفیندن ائدیلمه سینه دائیر ثبوت لارین دا اولمادیغینی دیله گتیریب. او طالبانین عراقدا استفاده ائدیلن یول قیراغی بمبالاری آلیب- آلمادیغی باره ده دلیل لرین یئترلی اولمادیغینی قید ائدیب. ایرانین طالبانا دستک وئرمه سی باره ده بیانات بیرینجی دفعه اولاراق کئچن ایل سسلندیریلدی. پنتاگونون یئنی آچیقلاماسی آمریکانین ایکی حربی ناوی نین کورفزده موقع آلماسی ایله عینی زامانا دوشور.(آمریکا سسی)