آذربایجان تهلوکه‌سیزلیک قووه‌لری‌نین کنترولوندا‌دیر

آذربایجان تهلوکه‌سیزلیک قووه‌لری‌نین کنترولوندا‌دیر

 آذربایجان اویرنجی حرکاتی: آذربایجاندا 1385-جی ایل خرداد اعتراضلاری‌نین ایکینجی ایل دؤنومو سیراسیندا، احتمالی اعتراض حرکتلرینی داغیتماق اوچون ایرانین امنیت قووه‌لری بوتون آذربایجان شهرلرینه خصوصی نظارت ائدیرلر. بو قووه‌لر اونلار آذربایجانلی ملی فعالی توتوقلاییب و خشونت ائدیبلر. عینی حالدا انسان حاقلارینی مدافع جمعیت‌لری و آذربایجانلی سیاسی محبوسلار انجمنی دولتدن ایسته‌ییبلر کی آذربایجانلی‌لارین مسالمت‌آمیز اعتراض کئچیرمه‌سینه مانع اولماسین. تبریزده توتوقلانانلارین آراسیندا، حسن ارک، جمشید زارعی(22 یاشلی)، حمید رضایی(35 یاشلی)، حجت تاری‌وئردیان(39 یاشلی)، احد رضوی، اکبر حسین‌زاده، حسین میرزاخانی و علی صدیقی واردیرلار.  خبرلره گؤره، آذربایجانین باشقا شهرلرینده ده دوروم عینی‌دیر. اورمیه و دیگر شهرلرده بیر چوخ انسان امنیت مرکزلرینه چاغیریلاراق کتبی تعهددن سونرا آزاد اولونوبلار. نقده‌ده  1385-جی ایلده مامورلارین مستقم گلوللَه آتمالاری نتیحه‌سینده بیر نئچه نفرین حیاتینی ایتیرمه‌سینه گؤره، بو ایل بو شهرده داها چوخ فشار واریمیش. ایکی ایل قاباق ایرانین رسمی تلویزیونو توحید آذریون، همت اسمزاده، حسین فتحی‌پور و عسگر قاسمی‌نین ئولومونو تایید ائتمیشدی.( آمئریکانین سسی)