سعید متین پورا ۸ ایل آزادلیقدان محروم ائدیلمه جزاسی وئریلیب

سعید متین پورا ۸ ایل آزادلیقدان محروم ائدیلمه جزاسی وئریلیب

آذربایجان اویرنجی حرکاتی : ادوار نیوزون یایدیغی معلوماتا گوره، تهرانین 115 سایلی انقلاب تریبونالی (دادگاه) آذربایجانلی فعالللارا قارشی حبس قرارلاری چیخاریلیب. آذربایجانلی فعال لاردان 9 نفرینین حاققیندا چیخاریلمایش محکمه قرارینا اساسا سعید متین پور یابانجی لارلا(خارجی) ایش بیرلیینده گوناهلاندیریلاراق 7 ایل و ایران اسلام دولتینه قارشی تبلیغاتا گوره 1 ایل مدتینه، بوتوولوکده ایسه 8 ایل آزادلیقدان محروم ائدیلمه جزاسینا محکوم ائدیلیب. مئدیا فوروم،حاق کیمی وب سایت لاردایاییلان خبرلره گوره آذربایجانلی حقوق مدافعه چیسی و وکیل صالح کامرانی 1 ایل مدتینه آزادلیقدان محروم ائدیلیب. آذربایجانلی یونیورسیته استادلاری دکتر محمد علی حیدری و دکتر عبدالله عباسی جوان ائله جه ده فعال لاردان جلیل غنی لو، علیرضا متین پور، یعقوب سالکی نیا، میر قاسم سیدین زاده، بهروز صفری و لیلا حیدری حاققیندا ایسه بیر ایل مدتینه شرطی حبس جزاسی چیخاریلیب.یادا سالاق کی، آدی چکیلن فعال لار بیر ایل ئونجه حبس اولونموش و ازون مدت تهرانین ائوین حبس خاناسیندا ساخلانیلمیشدیرلار. ساخلاندیقلاری مدتده اونلارا شکنجه وئریلدییی بیلدیریلیر. بو آرادا تبریزین سسی سایتی مایین 22 ده تبریزده حبس اولونان فعال حسین میرزاخانی نین وثیقه ایله موقتی آزادلیغا بوراخیلدیغینی بیلدیریر. ساخبلاندیغی مدتده شکنجه اولوندوغو سویله نیلیر. (آمئریکانین سسی)