آذقالا سیته سینین آچیق مکتوبو اویرنجی حرکاتی سیته سینه

آذقالا سیته سینین آچیق مکتوبو اویرنجی حرکاتی سیته سینه  

سایقیلی "اویرنجی حرکاتی" سیته سی

22/3/1387

سلام.

بیلدیگنیز کیمی؛ یازین ایکینجی آییندا ، اویرنجی گونو مناسیبتیله، سیزین سیته نین طرفیندن اوزه ل مصاحیبه لر آپاریلیب و یاییلدی .

بو مصاحیبه لر ، آذربایجان میللی حرکتینده، اولوملو دالغالار یاراتماغینا باخمایاراق ، بیر سیرالارین طرفیندن پیسلنیب و دانیشیب دانیشدیرانلارین هامیسی، آغیر شانتاژ و تهمتلرله تاپدانیبلار.

اوزونتو یئری اوندا آرتیر کی، بو تهمت و شانتاژلار GUNAZ .t.v.  کیمی تریبوندان یاییلیب و دسته کلنیب. بو بیر حالدادیر کی بو  T.V.نین مسئولو اونو آذربایجان میللی حرکتین میللی تلویزیاسی آدلاندیریر. (عجبا ، میللی تلویزیا و میللی فعاللاری تخریب ائدیب و خائین تانیتدیرماق!) GUNAZ. t. v. نین آپاریجیسی، اویرنجی حرکاتی سیته سین رژیمین سیته سی و سیته ایله مصاحیبه آپارانلاری رژیم عامیللری تانیتیب؛ تخریب دوینجی ایله دویمکدن هئچ واز کئچمدی...

البته بو آپاریجی GUNAZ t.v. نین ده یرلی موقعسینه باخمایاراق؛ کئچنلرده ده  بو t.v. نین آبیریسیله اویناییب و آییری چالیشقانلاریدا خائین و ساتقین تانیتمیشدی . او جومله دن جناب حامد ایمان و اونون یاراتدیغی شمس تبریز نشریه سی و شمس نیوز سیته سی ده رژیم قورقوسو کیمی تانتیلمیشدی. هامی بیلیر کی بو ایشلر چرکین بیر ایشلردی.

آنجاق بئله بیر اخلاقسیز داورانیشلارین آردیندا ،آذ قالا سیته سیده  GUNAZ t.v. نین آپاریجیسی طرفیندن "بوز قالا " آدلانیب پیسلندی.

 سیاست عالمینده هر توور دوشونجه و فیکیری نقد ائدیب آراشدیرماق دوغال بیر حاقدیر. آمما نقد آدیلا ؛ فیکیر صاحیبلرین و ها بئله میللی حرکت چالیشقانلارین تخریب ائتمک؛ اونلاری رژیم عامیلی کیمی تانیتماق تام اخلاقسیزلیقدیر.

دوزدور کی آذربایجان میللی حرکت ویجدانی بئله بیر اخلاقسیزلیقلاردان بئزیب؛ آمما میللی روح آتامیز بابکه گوستردیگی یول یوندملری خاطیرلاداراق ، صادیق چالیشقانلاری ، داها آرتیق دوزوم و دایانیشا ساری یونتمکده دیر.

آذقالا سیته سی ده میللی روحوموزدان درس آلاراق ، سیزین یاشادیغیز آجی مظلومیتلری دوشونره ک، سیزی آرتیق دوزوم و صبره دعوت ائتمگی اوزونه ، میللی وظیفه بیلیر.

 بیلیریک کی او سیته نین چالیشانلاری هر توور چتینلیک و شانتاژلار قارشیندا ؛ عاغیلی و ده یرلی  چالیشمالاریندان هئچ زامان ال چکمییه جکلر.

حورمت و سایقیلا

 آذقالا سیته سی