تبریز بیلیم یوردونداکی "زاگرس" اوجاغی سؤکولموش؛ هابئله فنی ایسلامسال انجومنی – نین بولتنی حراست الی ایله سیندیریلمیش دیر؛
آذربایجان اؤیرنجی حرکاتی (تبریز): گؤندریلن خبرلرین اوزرینده، تبریز بیلیم یوردونداکی "زاگرس" آدلی کورد اؤیرنجی لرین اوجاغی، یئل گونونون سحرینده، "حقیقیان" آدلی بیلیم یوردون کولتورل یؤنه تیمینین معاوینتی – اسکی حراست معاوینتی – بویروغو ایله بوتونجه سؤکولوب یانینداکی یئنی سؤکولموش گئنل تووالئته اکله نمیشدیر. بو ایش زاگرس- ون مرکزی قوروجولارینین تام خبرسیزلیک ایله یاپیلاراق، اونلاری چاشیرتمیشدیر. دئمه لی ایندییه کیمی، بو اوجاغا مرکزی شوراسینین سئچگی سینه ایزین وئریلمه میش ده هابئله اونون قوروجو هئیه تی اولاراق، رسمیته تانین میردیلار. سؤکمک ایشلهمین آردیندا زاگرس اوجاغینین یانینداکی سرایدار اوتاغینی دا داغیرتیب گئنل تووالئته قاتماق ایستهییردیلر کی سرایدارین دیره نیشی ایله ایش بیتیمسیز قالمیش دیر. بو ایش بئله گوزوکور کی کولتورل یؤنتیمی زاگرس اوجاغی ایسه اونون آردیندا باشقا اوجاقلارین قاپاتماسینی ایسته یه رک اونلارا آیری اوتاق نظرده آلمامیش دیر.
بونون دیشیندا گئچن هفته اودگونو، تبریز بیلیم یوردونون فنی ایسلامسال انجومنی – نین بولتنی حراست آراجلیغی ایله شوشه سی سیندیریلیب ایچره سینده کی تبریز بیلیم یوردونون اولدوزلو اؤیرنجی لره آیید اولان بیلدیری لر قوپاردیلمیش دیر. تومله ییجی خبرلر بیله نیزه یئتیشه جک.