پرزیدنت بوش ایرانین تکلیف لری رد ائتمه سیندن راحات سیزدیر

پرزیدنت بوش ایرانین تکلیف لری رد ائتمه سیندن راحات سیزدیر

آذربایجان اویرنجی حرکاتی : آمریکا پرزیدنتی ایرانین آتم فعالیت لری ایله باغلی بین الخالق تکلیف لری رد ائتمه سیندن راحات سیزلیغینی دیله گتیریب. پاریس-ده فرانسه پرزیدنتی نیکولاس سارکوزی ایله گوروشونون آردینجا بیلدیریب کی، بو ایران اهالی سینه گوستریر کی، اونلارین لیدئرلری ئولکه نی داها آرتیق تکله ییرلر. جناب سارکوزی ، ایران اهالی سینین حکومتین اونلاری آپاردیغی چیخمازدان(بن بست) داها یاخشی وضعیته لاییق اولدوغونو بیلدیریب.

پرزیدنت بوش سوریه پرزیدنتی بشار الاسدی ایرانلا امکداشلیغی و تروریست لره دستک وئرمه یی دایاندیرماغا چاغیریب. او فلسطین دولتی نین یارادیلماسینی جدی مدافعه ائتدیینی و سوریه لیدئریینن بو گئدیشه دستک وئرمه سینی ایسته ییب. آمریکا و فرانسه پرزیدنت لری دونیاداکی اقتصادی مسئله لر، اقلیم ده ییشیک لییی و دارفورداکی وضعیتی مذاکره ائتدیکلرینی سویله ییبلر.

شنبه گونونون سونوندا پرزیدنت بوش آمریکا عسگرلرینین دفن ائدیلدییی بیر مزارلیغا گول چلنگی قویاجاق.داها سونرا ایسه سارکوزی ایله آخشام یئمه یینه قاتیلاجاق. اسلوانیادان ایتالیایا، ایتالیادان فرانسه یه گلن پرزیدنت بوش داها سونرا بریتانیا و شیمالی ایرلندده باش چکدیکدن سونرا واشینگتونا قاییداجاق.( آمریکانین سسی)