"Azərbaycan və Türkiyə fövqəladə hallara qarşı birgə mübarizəni

"Azərbaycan və Türkiyə fövqəladə hallara qarşı birgə mübarizəni genişləndirəcək "

AZerbaycan Oyrenci Herekati : Baş verə biləcək fövqəladə hallara qarşı birgə mübarizəmizi daha da genişləndirəcəyik”. Bu sözləri Türkiyənin planlaşdırma və tikinti naziri Faruk Nafiz Özak Azərbaycana səfərinin yekunlarını “Xəzər” televiziyasına dəyərləndirərkən deyib. İyunun 12-də Azərbaycan Prezidenti İlham Əliyevin qəbulunda olduğunu və fövqəladə hallar naziri Kəmaləddin Heydərovla bir araya gəldiyini deyən türkiyəli nazir ölkələrimiz arasında təcrübə mübadiləsinin aparılmasının zəruriliyini vurğulayıb. “Türkiyə ərazisinin böyük hissəsində zəlzələ riski yüksəkdir. Ona görə də bizim bu sahədə təcrübəmiz genişdir. Kəmaləddin bəylə görüşümüzdə də təcrübə mübadiləsi aparmaq barədə razılığa gəldik. Yaxın vaxtlarda Azərbaycan mütəxəssislərindən ibarət bir heyət Türkiyəyə gələcək”, - deyə o əlavə edib. F. N. Özak 2006-cı ildə iki ölkə arasında əməkdaşlıqla bağlı müqavilənin imzalandığını, lakin yeni müqavilələrin imzalanmasına ehtiyac duyulduğunu da söyləyib.Qeyd edək ki, dünən Faruk Nafiz Özak TUSİAB-da olub və burada Azərbaycanda fəaliyyət göstərən türk iş adamları ilə də görüşüb.(zaman.az)