اردبیل لی ئویرنجی عسگر اکبرزاده ایله باغلی خبرسیزلیک یاخینلارینی

اردبیل لی ئویرنجی عسگر اکبرزاده ایله باغلی خبرسیزلیک یاخینلارینی قورخودور

آذربایجان اویرنجی حرکاتی : یاخین لاری و قوهوملاری اردبیلین پیام نور یونیورسیتینین اویرنجی سی (دانشجو) اولان آذربایجانلی حرکاتچی عسگر اکبرزاده نین ساخلانما یئری و وضعیتیندن خبرسیز دیرلر. ساوالان سسی و آذرنیوزدا یاییلان معلوماتا گوره حاققیندا آمنتستی اینترنشنالین 3 دفعه بیانات وئردییی اکبرزاده 20 خورداد-مایین21ده اردبیلده اطلاعات مامورلارینین ائولرینه هجومو زامانی حبس اولونوب. عائیله سی عسگرین شکنجه اولونماسیندان نیگران دیر. امنیت قوه لری همده محبوسون یاخینلارینا مئدیایا آچیقلاما وئرمکدن چکینمه یی تاپشیرمیش واونلاری هده له میشلر. اکبرزاده بیر نئچه دفعه حبس اوناراق بوراخیلیب. یادا سالاق کی، مایین 22ده تبریزین ائل گولو پارکیندا حبس اولونان فعال فرهاد محسنی نین جنازه سی تاپیلیب. اویرنجی.کام-ین معلوماتینا گوره اونون الکتریک شوک نتیجه سینده ئولدورولمه سی احتیمال اولونور. بو فاکت بوتون آذربایجانلی سیاسی محبوسلارلا باغلی نیگرانچیلیق لاری آرتیریب.( آمئریکا سسی)