گونئی آذربایجان میللی اویانیش حرکاتینین (گاموح) بیلدیریشی

گونئی آذربایجان میللی اویانیش حرکاتی نین ایران اسلام جمهورییتی نین سون گونلرده گونئی آذربایجان سیاسی فعاللارینا وئریلمیش قانونسوز محکمه قرارلاری ایله باغلی بیلدیریشی

آذربایجان اویرنجی حرکاتی : ایران آدلانان اولکه ده دینی تمل چیلیک له حاکمییتی اوزون ایللرغصب ائتمیش موجود آزغین و مرتجع رژیم، قانونسوز حاکمییتی دوورونده آنتی دموکراتیک حرکت لری ایله سوز و مطبوعات آزادلیغینی قاداغان ائدیب، اینسان حاقلارینی اوزه للیکله قادینلارین حقوقلارینی تاپدالایاراق، موجود میللت لرین و ائتنیک لرین سیاسی،اجتیمای و مدنی حقوقلارینی کوبودجاسینا پوزماقدادیر.

شوونیست رژیم اوزونون غیری- قانونی محکمه لرینده گونئی آذربایجانین سیاسی فعاللارینا چیخارتدیغی سرت محکمه قرارلاری ایله سویداشلاریمیزا میللی حقوقلاریمیزین مدافعه ائتمه سینه ایمکان وئرمیرو اونلاری اوزون مدتلی حبسلره معروض قویور.

بونونلا یاناشی، گونئی آذربایجان میللی اویانیش حرکاتی (گاموح) اولاراق، مرتجع رژیمین سون گونلرده تبریز شهرینده توره تدیی سیاسی قتل لری، محکمه لرده گونئی آذربایجان سیاسی فعاللارینین علیهینه چیخاردیلمیش سرت محکمه قرارلارینی و اولکه ده یئتگینلیک یاشینا چاتمایان یئنی یئتمه لره اولوم حکم لرینین وئریلمه سینی شیددتله محکوم ائدیریک. شوبهه سیز آذربایجان میللتینین اویانیشی و میللی حرکتیمیزین چالیشقانلارینین بیرلییی بئله بیر تضییقلرین قارشی سینی آلاجاقدیر.

یاشاسین گونئی آذربایجان میللتی

یاشاسین گونئی آذربایجانین سیاسی فعاللاری

گونئی آذربایجان میللی اویانیش حرکاتی (گاموح)

مرکزی کمیته

تبریز- خرداد ۱۳۸۷