ایرانین دوستلوق نغمه لرینه آرخایین اولماق اولماز.

ایرانین دوستلوق نغمه لرینه آرخایین اولماق اولماز.

آذربایجان اؤیرنجی حرکاتی:

وفا قولوزاده: " حاضیردا هر طرفده موحاریبه حاضیرلیقلاری گئدیر"

خزر ابراهیم :"بیز ایرانا قارشی حربی عملییاتلارین باشلاماسینین طرفداری دئییلیک"

ایران اطرافیندا جریان ائدن حادیثه لر اؤزونون پیک نوقطه سینه چاتیب. اؤتن هفته ایرانلا آ.ب.ش آراسیندا جئنئوره ده کئچیریلن ایلک بیرباشا دیالوقدان سونرا یئنیدن تهرانا قارشی سرت موناسیبتین سرگیلنمه سی وضعیتین گرگینلشدیینه ثبوتدور ...

خصوصی ایله ده دانیشیقلارین آردینجا، آوروپا بیرلیینین خارجی سیاست مسئله لری اوزره باشچیسی خاوییئر سولانانین " ایرانین دوشونمک اوچون ایکی هفته واختی وار" دئمه سی جئنئوره دانیشیقلارینین اوغورسوز سونوجلانماسی نین علامتی کیمی دیرلندیریله بیلر.

اصلینده اوولجه دن ده تهران طرفیندن سرت موقع نوماییش ائتدیریلمه سی دانیشیقلاریندا نووه پروقرامیندان ایمتیناع باره ده راضیلیغین الده اولونمایاجاغینی دئمه یه اساس وئریردی. ایران رهبرلیینین سون واختلار آ.ب.شه حتی تهراندا سفیرلیک آچماق تکلیفینی وئرمه سی موناسیبتلرده یوموشالمانین اولماسی قناعتینی دوغورسادا، احمدی نژادین اسراییلی یئر اوزوندن سیله جه یی باره‌ده نوبتی هده لری پروسئسلرین حربی موسته وییه دوغرو جریان ائتدیینه ایشاره ایدی.

بس جناب سولانانین دئدیی ایکی هفته باشا چاتاندان سونرا ایرانی نه گؤزله ییر؟

پولیتولوق وفا قولوزاده حساب ائدیر کی بو ایکی هفته باشا چاتاندان سونرا حربی عملیاتلارین باشلایاجاغینی سؤیله مک اولماز : " واختین تامامیندا ایران یئنی بیر تشبوثله چیخیش ائدجک . دوزدو بو تشبوث مساله نین مغزینی دییشمه یه جک، چونکو ایران اؤز فیکریندن گئری چکیلمه یه جه یینی و غربین دیکته سی قارشیسیندا تسلیم اولمایاجاغینی بیان ائدیب. ساده جه واختین اوزادیلماسی تهرانا خئیر گتیریر. ایندی بو تشبوثون نه اولاجاغینی دئمک چتیندیر. بلکه ایران آ.ب.ش لا باشلایان بیرباشا دانیشیقلارین باشا چاتماسینی گؤزلمه یی تکلیف ائده جک."

پولیتولوق گئری چکیلمک فیکرینده اولمایان ایرانین جسارتینین سببینی ده ایضاح ائتدی : "تهران امیندیر کی آمئریکا اونا هجوم ائده بیلمز. دوزدور آمئریکا ایسراییلین واسیطه سیله اؤز حربی باسقی لارینی داوام ائتدیره جک. حتی ایسراییل قفیل ضربه لرده ائندیره بیلر".

ائکسپرته گؤره ایندیلیک مقامدا بوتون قارشی دوران طرفلرده موحاریبه حاضیرلیقلاری گئدیر : بونو ایراندا بیلیر، آمریکادا ، ایسراییل ده. چونکو موقعلرده هئچ بیر دئییشیکلیک یوخدور، آنجاق هله هئچ کیم بیلمیر کی موحاربه نه واخت اولاجاق".

و. قولوزاده نین سؤزلرینه گؤره وضعییتین دییشمه سیندن اؤترو طرفلر آراسیندا قارشیلیقلی اعتماد موحیطی نین یارانماسی ضروری دیر: " ان آزی گرک ایران آوروپا و آمئریکایا نووه پروقراملاریندان داشیناجاغی باره ده تامینات وئرسین. نووه پروقرامینی اینکیشاف ائتدیرن اؤلکه ایسته نیلن واخت نووه سیلاحینی اورتالیغا قویابیلر".

پولیتولوق ایرانین اؤزونه آرخایین اولدوغونو قئید ائتدی: " ایران گوجلو دئولت دیر ، آمئریکا حربی عملیاتلارا باشلاسا ، تهران درحال هورمز بوغازینی باغلایاجاق و آردینجا راکئتلری چاتان مسافه لره ائندیره جک. سؤزسوز کی بیرینجی ضربه سینی ایسراییلا توشلایاجاق. بوتون بو مساله لر قربین قرارلارینی جیددی دوشوندورور و ایرانین هاوا ضربه لرینین قارشیسینی آلماغین یوللاری آرانیر".

و. قولوزاده شوبهه ائتمیر کی ، ایرانین هدفینه معروض قالاجاق اؤلکه لر آراسیندا آذربایجان دا اولاجاق.  ایرانین باکی داکی سفیرلیینین امکداشلیغینین "آذربایجان ایرانا دوست اؤلکه دیر و باشقا فیکیرلری دیله گتیرنلر بو دوستلوغو پوزماق ایسته ییرلر"  دئمه سینه گلینجه ایسه پولیتولوق بو آرقومئنتی جیددی سایمادیغینی وورغولادی: " آذربایجاندا آمئریکا اوبیئکتلری وار و طبیعی کی ، حربی عملییاتلارین گئدیشینده آذربایجاندا قاپاز اولاجاق. آ.ب.ش. سفیری ایران راکئتلرینین آذربایجانا تهلوکه وعد ائتدیینی دئییده ده بونو نظرده توتوردو. دوستلوغا گلدیکده ایسه واختیله هیتلرده استالینله دوستلوق حاققیندا نغمه لر اوخویوردو. هله بو نغمه لر بیر قیراغا قالسین اونلار دوستلوق پاکتی باغلامیشدیلار. اوسته لیک موتتفیق اؤلکه کیمی بیرگه پولسایا هجوم ائدیب، بو اؤلکه نی بؤلوشدورموشدولر. آخیردا بیر-بیریله موحاریبه ائلمه لی اولدولار. بو معنادا ایرانین دوستلوق نغمه لرینه آرخایین اولماق اولماز. اگر آذربایجاندا آمئریکانین ایرانی ناراحات ائدن بیر اوبیئکتی اولسا ، سؤزسوز کی بورادا ضربه لر ائندیره جک. عئینی حالدا باکی- جیهان کمری، نفت بوروقلاری، ترمیناللار هدفه معروض قالا و نتیجه ده آذربایجان اودا بورونه بیلر".

خاریجی ایشلر ناظیرلیینین مطبوعات کاتیبی خزر ابراهیم بیلدیردی کی ، آذربایجان رئژیوندا هانسیسا بیر پروبلئمین اولماسینین علئیهینه دیر و بو معنادا ایرانا قارشی حربی عملیاتلارین باشلاماسینین طرفداری دئییل: " رئژیون آرتیق موناقیشه لردن دویوب، بیز موناقیشه لرین صولح و دیپلوماتیک یوللا حللینه طرفداریق".

رسمی باکی نین قارشیسیندا بین الخالق بیرلیک طرفیندن ایرانا قارشی سانکسیالاردا ایشتراک ائتمک و یا گلجکده حربی عملییاتلارا دستک وئرمکله باغلی طلبلر قویولوبمو؟

خزر ابراهیمی: " حاضیردا هئچ بیر سانکسیا یوخدور. دیگر طرفدن نه سانکسییا، نه ده شیرنیکلندیرمه ایله باغلی هر هانشی تکلیف اولماییب. گلجک ده هانسی کانکرئت اینکیشاف اولارسا ، اونا موافیق رئاکسیا وئره بیلریک.

جاوید توران