یازار دکتر بهزاد بهزادی آمئریکانین کالیفرنیا ایالتینده توپراغا و

یازار دکتر بهزاد بهزادی آمئریکانین کالیفرنیا ایالتینده توپراغا وئریلدی

آذربایجان اویرنجی حرکاتی : قوزئی کالیفورنیا آذربایجان کولتور اوجاغی امکداشلاری خالقیمیزین سایقی و سئوگیسینی سؤز استادی، آزادلیق وورغونو  قوجامان یازار رحمتلیک بهزاد بی بهزادی و اونون دیرلی عائله سینه  بیلدیرمک اوچون  اوزون بیر یولچولوقدان سونرا گونئی کالیفورنیانین Corono del Mar مزارلیغیندا  توپلاشیب اوجاغین مدنییت اونور لوحه سینی  استادین  حیات یولداشینا سوندولار. مزارلیقدا اولان دانیشیقلار استادین حیاتی، مدنی چالیشمالاری، آذربایجان مدنییتی اوچون وئردییی امک و شرفله ائلی و دیلی اوچون بیر عوموره سیغمایان  یازیلاری حاقیندا ایدی. آذربایجان کولتور اوجاغی وریندن دوکتور هادی بی سلطان قرائی تبریزده اونودولماز فرزانه میزین دفن مراسیمینده اوخونان بایاتیله سؤزونه باشلادی.

بوردان بیر  آتلی کئچدی

آتین اویناتدی  کئچدی

گون کیمی ایشیق ساچدی

آی کیمی   باتدی کئچدی

سونرا انگلیسجه استادین یارادیجیلیغی یاساق دیلیمیزین قورونماسیندا کی دانیلماز دیری و ادبی ارثی  حاقیندا دانیشب  خالقیمیزین  سئوگیسی و مننتدارلیغینی بهزادی عائله سینه بیلدیردی.

ساکیت اوکیانین چالخانتیلی دالغالارینا گؤز تیکن مزارلیقدا مدنییتیمیزین آبیده لریندن اولان استاد بهزاد بی بهزادی سئوگیمیزین سئلیله  گؤزوموزون یاشیله  سون منزیلینه کؤچدو…..

یاسدیغی نور و یولو یاشار اولسون

آذربایجان کولتور اوجاغی، کالیفورنیا،  مارس 2008