خوی شهرینده توتوقلانان اویرنجی لرین سون دوروموندان خبریوخدور

خوی شهرینده توتوقلانان اویرنجی لرین سون دوروموندان خبریوخدور

آذربایجان اویرنجی حرکاتی: خوی شهری 1385-ده بیرینجی اعتراض متینگی گوستره ن شهر اولموشدور. اویرنجی لر بو میتنیگین دوزنله نمه سینده اونودولماز روللاری اولموشدور. بو ایل ایسه یئنه خوی اویرنجی لری موباریزه نین اون جبهه سینده موجادله وئرمکده دیرلر. پنجشنبه 26 خورداد و جمعه 27 خورداد دا توپلام دورد اویرنجی یاخالانیب.  توتولان اویرنجی لرین سون دوروملاری حاقدا خبرسیزلیک دوام ائدیر. سالار عراقی و اکبر عبداللهی 20 یاشلاریندا، حجت عراقی 22 یاشیندا و سلمان عراقی 22 یاشیندا خوی و اورمیه شهرینین اویرنجی لری دیرلر. خوی دان گلن سون خبرلره گوره بو توتوقلامالارا باخمایاراق اویرنجی فعاللاری یئنه موباریزه لرینیه دوام ائدیر و سون گونلرده بیر خورداد لا باغلی چوخلو بیلدیری و سی دی یاینلاییب لار. گوونلیک گوجلرینین شدتلی برخوردلارینین آرتماسی گنجلیگیمیزی دوردورا بیلمیر و آیدین بیر گله جه یین موژده سینی وئریر.