تکین بی ماهارلی ایله موصاحیبه

تکین بی ماهارلی ایله موصاحیبه

1- سایین تکین بی ماهارلی بیرینجی سورغو اولاراق لطفا بویورون کی میللی حرکت ده اولان تشکیلات و قوروپلار کورد تئروریسمی ایله نئجه یاناشمالیدیلار؟و بو یاناشمانین ایندی کی دورومو نئجه دیر؟

ایلک اولاراق گونئی ده کورد تئروریسمی حاقدا و بؤلگه میزه کورد آخی نی نین ندنلری آچیقلاماغی لازیم گؤرورم ، آما سورقو ایله باغلی دئمه لییم گونئی آذربایجان میللی حرکتی نین فعالیت لری ایران دا و هم ده دونیا دا بیر آز یایقین اولماسینا  باخمایاراق هله بیر چوخ سورونلارلا اوز اوزه دیر.پلانسیزلیق و بیلیمسل فعالیت لرین آزلیغی بو پروسه نی اؤز گرچک یولوندان اوزاقلاشدیرماقدادیر، بونا گؤره ده چوخ ساحه لرده او جمله دن گونئی آذربایجان دا کورد مسئله سی حاقدا دا جیددی فعالیت لره ال وورماییب دیر، اولا بیلسین زامان ایچه ریسینده اگر مارگینال مسئله لردن باشلاری آیریلیرسا ، بو حاقدا دا بیر سیرا لازیم اولان ایشلرین گؤرولمه سی اوچون دانیشیقلار و مذاکره لره ایمکانی یارانسین .آمما هله لیک گونئی آذربایجان میللی حرکتی نین ایچینده اولان بعضی فعال لار سییاسی فعالیت لرله یوخ بلکه هنری !ایشلرله مشقولدورلار.

2- باتی آذربایجان میللی مودافیعه کمیته سینه راجع نظریز نه دیر؟و ایشلرینی ایزله ییرسینیز می؟

منجه سیزین یاراتدیغینیز باتی آذربایجان میللی مودافیعه کمیته سی (ب آ م م ک) زامانیندا و دوروما اویغون اولاراق یارانان بیر قورومدور ، آیدینلاتما و بیلگیلندیرمک چاغیمیزین گرک له رینده دیر. باتی آذربایجان میللی مودافیعه کمیته سی بو ساحه ده بوتون سیخینتیلارا باخمایاراق بؤلگه میزه کوردلرین یئرلشمه سی و بو یئرلشمه نین سونوجوندا ایندی و گله جک ده یاراناجاق چتین لیک لری اؤنلمک اساسیندا فعالیت لرین بوشلوغونو دولدورماقدادیر.

3- سیزجه باتی آذربایجان دا اولان تئروریسم مسئله سی گونئی آذربایجان میللی حرکتینده موختلیف طیف لر آراسیندا بیرلیک یارادیجی پارامئترلردن بیری اولا بیلر؟

گونئی آذربایجان میللی حرکتینده بو گون چئشیتلی طیف لرین و بونلارین آیری آیری فیکیرلری نین اولماسی چوخ دوغال دیر و بو اورتامدا فعالیت گؤسته رن بوتون قوروملار کؤکده بیردیرلر آمما سونراکی آددیملاردا فیکیر و گؤروش آیریلیق لاری گؤرونور . بئلنچی فیکیر آیریلیقلارینی پلورالیسمه دایاناراق قبول ائدیب و بو یولدا موختلیف ساحه لرده فعالیت لریمیزه داوام ائتمه لی ییک . گونئی ده اولان کورد مسئله سیندن باشقا بیرلشدیریجی سئچنکلریمیزده واردیر، فارس شوونیزیمی بو حرکتین و میللتیمیزین اساس دوشمانی دیر، البته بونلارین هر بیری نین اؤزونه خاص یئرلری واردیر و بو پروبلئم لرین اورتایا چیخماسی نین ندن لری نی و بونلارین بوندان آرتیق ایره لیله مه سی نین قارشی سی نی آلماق مئتودلارینی آراشدیریب و رئال لاشدیرماق لازیم دیر.گونئی ده اولان کورد مسئله سی بوتون قوروملار طرفیندن قبول اولماسیندا سؤز یوخ ، آمما بو مسئله ایله نئجه یاناشماق چوخ اؤنملی دیر.جیددی و گئنیش پلانلار اساسیندا بو حاقدا ائدیلمه لیدیر.بئله لیک له قوروملارین بو حاقدا بیر آرایا گلمه ندنله رینین بیر ده بو مسئله اولا بیلر.بیر ده کی گونئی آذربایجان میللی حرکتینده هله لیک کئچید دؤنه مینده اولدوغوموزو اونوتمامالی ییق و بو دؤنمده چوخ تمکین لی داورانماق مجبوریتینده ییک.

4- نظریز باتی آذربایجان دا اولان کورد تئروریسمینه راجع نه دیر؟بو مسئله ایله نئجه یاناشماق اولار؟

باخینیز بو حاقدا من بئله دئمه لییم ، اؤزومده باتی آذربایجان لی اولاراق و مسئله یه کیفایت قدر تسلطم اولدوغو اوچون ، ایلک بو ایشین کؤکونو آراشدیرماغی لازیم گؤرورم . کوردلرین باتی آذربایجانا یئرلشمه لری بیر یارانتیدیر.(پدیده دیر) بو یارانتی نین نئجه تشکیل تاپدیغینی آچیقلاماق و سیزین ایسته یینیزی جاوبلاماق اوچون بو سورقویو اورتایا قویمالی؛

- کوردلر نییه باتی آذربایجانا یئرله شیرلر؟

بو سورقونون جاوابلاری آشاغیدا سیرا ایله آچیقلانیر:

1- کولتوره ل پروبلئم لردن دولایی : کوردلر اؤز ایچلرینه قاپانمیش بیر خالق کیمیدیرلر و چوخ باغلی بیر اتمسفرده یاشاییرلار ، اونا گؤره ده بونلار کولتوره ل باخیمدان یئنیله شه بیلمه میشلر و بو مدرن لشمه یی آذربایجان بؤلگه له رینه کؤچمک له کمپلکس لرینی آرادان آپارماغا چالیشیرلار.داغ حیاتینی شهر یاشامی ایله دییشمک و اؤز اسکیک کولتورلرینی باشقا خالقلارین کولتورلریندن آلیب و تکمیل لشدیرمک نییتینده دیرلر.البته بو کولتوره ل بوشلوقلارین یانیندا اکونومیک و امنیتی و تهلوکه سیزلیک مسئله لریده واردیر.دیققت ائتسه نیزایراندا کوردلرین داغ و یا شهر یاشام سیستئم لری آشاغی یوخاری بیردیر، یعنی عشیرتی و آغا سیستئمی هله اونلارا حاکیم دیر.اونلار اوچون سنتی و کلاسیک قایدا و پرینسیپ لر دؤولت قانون لاریندان اوستون دور.اؤرنک اولاراق :ایران کوردلری آراسیندا قیزلارین خوتنه(سوننت) اولماق مسئله سی ، قیزلارین عائله ایچینده کؤله و فهله کیمی قارشیلانماقلاری ، کیشی لرین ایسته دیگی قدر اؤزله رینه خانیم (حیات یولداشی) سئچمه لری ، اؤزلری نین قبول ائله دیکلری آغانین سؤزلری نین هر یؤنده مطلق اولاراق آلقیلانماسی ، ناموس تمیزله مه فاجیعه سی و ...

کوردلرین اؤز بؤلگه لرینی ترک ائدیب و آذربایجانا یئرلشمه له رینین بیر سیرا ندنلردیر.

2- اکونومیک باخیمدان : آذربایجان اوست اوسته کورد بؤلگه لریندن داها گلیشمیشدیر و ایش ایمکان لاری اورالاردان آرتیق دیر و اوسته لیک قاچاق تیجارت ایمکانی باتی آذربایجان دا داها چوخدور و بونلار باتی آذربایجان دا راحاتجا تورکییه ایله قاچاق تیجارت ائده بیلیرلر

3- امنیتی باخیمدان : کورد بؤلگه سینده جان ، مال امنیت و گوونجه سی او قدر یوخاری سویه ده دییل و هر آن طایفالار آراسی ساواش چیخا بیلر و بونلارین ایچینده شخصی خصومت لرین بیر چوخ زامان قانلی چاتیشماقلارلا سونوج لانیر.بئلنچی بیر دورومدا بونلارین آذربایجانا یئرلشمه له ری ان گؤزه ل سئچه نه دیر همده آذربایجان دا بیزیم خالقیمیز بو یئرلشمه له ره چوخ حساسییت گؤسترمه دیگی اوچون بونلارا هئچ مانع و انگل یوخدور و راحاتجا باتی آذربایجانین ایسته دیگی بؤلگه سینه یئرله شیرلر.

ایندی کوردلرین باتی آذربایجانا یئرلشمه سی بیر یانا ، بونلارین اصیل پروبلم لری یئرلشدیکلریندن بیر نئچه ایل سونرا باشلاییر.منیم فیکریمجه ائرمنی لرله کوردلرین دونیا گؤروشلری و وطن آنلاییشلاری بیر بیرلرینه چوخ یاخیندیر .چونکو بونلارین هر ایکیسی ده دونیادا هر هارا یئرلشسه لر آز بیر موددت سونرا اورا صاحاب چیخیب و "بورا بیزیم دی" سؤزونو ایشله درلرر. 

4- ایران رژیمی نین سییاستی :موللا رژیمی بو حاقدا چوخ چیرکین پلانلاری گرچکلشدیره رک گونئی آذربایجانین باتی بؤلگه سی نین دئموقرافیک یاپیسینی اؤزونون و کوردلرین لهینه دییشدیرمک ایسته ییر . بو یئرلشدیرمه نی چوخ اینجه لیک له رئال لاشدیریر .بیلدیگینیز کیمی بیر چوخ داغلاردا یاشایان کوردلر اوچون گتیریب آراز قیراغیندا یعنی قوزئی و گونئی آذربایجانین سرحددیندن اونلار اوچون بیر بالاجا شهر تیکمک له هم بیر خالقی (گونئی و قوزئی) داها آرتیق فیزیکی باخیمدان بیر بیریندن آییرماق و طبیعی اولاراق بو شهری یاراتماقلا اؤز آماجینا چاتیر ، همده زامانی گلینجه کوردلر و تورکلر آراسیندا بؤیوک چاتیشمانین یارانماسینا ندن اولاجاقدیر. بوحاقدا آراز قیراغیندا یئر آلان پلدشت شهری نین 20 – 25 کیلومتر دوغو طرفینده سون ایللرده میلادشهر (شهرک میلاد) آدلی کوردلره تیکیلن بالاجا شهری گؤره بیلرسینیز . بو شهرین ساکین لری نین بیر چوخو اورادا یاشاماغی ایسته میرلر ، چونکو اورادا مال حئیوان ساخلاماق چتیندیر و دؤولتین اورادا تیکدیگی ائولر بو ایش اوچون اولاناق سیزدیر . منیم اؤزوم یاخیندان اورانی گؤروب و حتی بونون شاهیدی اولدوم کی بو بالاجا شهرده کوردلر مال حئیوانلارینی اؤز یاشادیقلاری ائوین ایچینده بسلی ییرلر.تصور ائتسه نیز ، مال حئیوانلا عینی ائوده بیرگه نئجه یاشاماق اولار ؟ البته بئله کورد شهرلری نین تیکیلمه سی باتی آذربایجاندا آرتماقدادیر.

5- کورد تئروریست تشکیلاتلارین دسته یی و پلانی : ایللردیر بؤلگه ده کورد تئروریست تشکیلاتلاری او جمله دن پ ک ک ، پژاک ، پ د ک ی و کوموله اؤز تئروریستی فعالیت لرینه دوام ائدیرلر و اؤز وارلیقلارینی موختلیف یؤنلردن فایدالاناراق دونیایا ایثبات ائتمک ایسته ییرلر و بو حاقدا بیر چوخ اویدورما خریطه لرده آذربایجان تورپاقلارینی اؤز اراضی لری کیمی گؤسته ریرلر و حتی آذربایجانین تاریخی شخصیت لرینی بئله کورد اولاراق دونیایا تانیتدیرماغا جهد ائدیرلر و بئله لیک له آذربایجانین توپراقلارینا یییه لنمک فیکرینده اولماق لاری دانیلماز بیر حقیقت دیر.باتی آذربایجان دا کورد قادینلارینی چوخ اوشاق دونیایا گتیرمه یه بئله تحریک و تهدید ائدن بو کورد تئروریست اؤرگوتلری باتی آذربایجان ایالتی اوچون چوخ گئنیش پلانلارین اورتایا قویولماسی نین گؤسترگه سی دیر.

آمما بوتون بونلاری نظرده آلاراق بیز آذربایجان تورکلری باتی آذربایجان ایالتینده کورد پروبلمی ایله قارشی قارشی یاییق .بو فاکتی ایله باغلی نه ائتمه ییمیز قالیبدیر بو موهاجیر و کؤچری کوردلرین فیکیر و عمل لرینه دیققت له باخدیغیمیزدا ، بؤلگه میزه بو موهاجیر کوردلرین جیددی شکیلده یئرلشمه سینی ، کوردچولوک له باغلی و ترورچو فعالیت لری گؤروروک.تکجه چاره میز باتی آذربایجان دا کورد موهاجیرلرین سایی سی نین آرتماسی نی و بؤلگه ده کوردچولوک ایله باغلی بوتون فعالیت لری کنترل آلتینا آلمالی ییق .

5- واختینیزی بیزه تخصیص ائتدیگینیز اوچون چوخ ساغ اولون . سوندا اوخوجولاریمیز اوچون سؤزونوز وارسا بویورون.

من اؤز نؤوبمده باتی آذربایجان میللی مودافیعه کمیته سی نین سوروملو و فعاللارینا تشککور ائدیب ، اوماریم عمومیت ده بو ساحه ده داها آرتیق آکتیو اولاریق.سیزه وئریملی و فایدالی فعالیت لرینیزده اوغور دیله ییرم.

رئپورتاژین سونون دا عزیز اوخوجولاریمیزا و ده یرلی خالقیمیزا بیر داها خاطیرلاتماق ایسته دیگیم بودور:ایسماعیل سیمیتقو و جیلوولولارین اورمو ، خوی ، سالماس ، سولدوز ، ماکی بؤلگه لرینده تؤره تدیکلری جینایتلری ، آذربایجان تاریخی توپراقلاری نین بوندان آرتیق دیدیک دیدیک بؤلونمه سینی و خوجالی فاجیعه سینی اگر تکرار آذربایجان تورک لری اولاراق یاشاماق ایسته میریک سه ، گونئی آذربایجان دا کورد مسئله سی نی داها آرتیق جیددییه آلیب و لازیم اولان تدبیرلری ایندی دن آلما لی ییق . تورک توپراغینی اؤزگه بیر خالقا خصوصی ایله کورده ساتماق بیر جینایت دیر! زامانین ایجاب ائتدیگینه گؤره بوندان سونرا ایتیرمک اوچون یوخ بلکه الده ائتمک اوچون دوشونوب ، چالیشمالی ییق.

ساغ اولون

حؤرمتله : تکین ماهارلی

جولای 2008

قوزئی آمئریکا

www.bati-az.com